تعمیر - لوریم اردو تھیم

درد منت کشِ دوا نہ ہوا=میں نہ اچھا ہوا برا نہ ہوا

جمع کرتے ہو کیوں رقیبوں کو=ایک تماشا ہوا، گلہ نہ ہوا

ہم کہاں قسمت آزمانے جائیں=تو ہی جب خنجر آزما نہ ہوا

کتنے شیریں ہیں تیرے لب کے رقیب=گالیاں کھا کے بے مزا نہ ہوا

ہے خبر گرم اُن کے آنے کی=آج ہی گھر میں بوریا نہ ہوا

کیا وہ نمرود کی خدائی تھی=بندگی میں میرا بھلا نہ ہوا

جان دی دی ہوئی اسی کی تھی=حق تو یہ ہے کے حق ادا نہ ہوا

زخم گر دب گیا لہو نہ تھما=کام گر رُک گیا روا نہ ہوا

رہزنی ہے کہ دل ستانی ہے=لے کے دل دل ستاں روانہ ہوا

کچھ تو پڑھئے کہ لوگ کہتے ہیں=آج غالب غزل سرا نہ ہوا